السلام عليكم ورحمة الله وبركاته
نكمل درسنا
دلوقتى بقى فية سوال مهم جدا لازم كنا نقولة وهو why java? يعنى احنا لية جايين نتعلم جافا ومش بنتعلم لغات تانية مع ان فية لغات تانية (هنقول كتير اسهل منها)!!!
للاسباب الاتية:::
[mark=#99FFCC]
java is a Pure object oriented<<every thing in java is object>>
Platform independent
Memory management
Multithreading
Security
Portability[/mark]
كدا احنا تقريبا عرفنا شوية معلومات عن الجافا وعرفنا اية مميزتها.. اية رايكم بقى نكمل ولااا ؟
انا عن نفسى مكمل ان شاء الله اللى هيكمل معايا اكيد محتاج يعرف اول حاجة ازاى يسطب الجافا على جهازة ويخلية جاهز يشتغل على جهازة
ازاى نسطب الجافا عندنا بقى؟
اول حاجة احنا لازم يكون عندنا ال jdk وال jre الخاصين بال platform بتاعتنا زى ما شرحنا قبل كدا
ودول بينزلوا مجانا من على موقع oracle اللى هو http://www.oracle.com/ وبعد ما ينزلوا هنسطب ال jdk الخاص بينا.
ولما التسطيب يخلص كدا احنا بردة يبقى لسا ماخلصناش لازم نعرف ال jdk على ال operating system بتاعنا ازاى بقى؟
اول حاجة ندخل على c وبعد كدا ندخل على program files وبعد كدا ندخل على java وبعد كدا ندخل على jdk وبعد كدا هندخل على bin وبعد كدا ناخد المسار بتاعهم من فوق ونروح على my computer ونضغط كليك يمين وبعد كدا نختار system properties ثم advanced ثم environment variables وبعد كدا هنلاقى حاجة اسمها path بعد كدا نضغط على edit وبعد كدا هيطلعلى شيوية كلام كدا وكتب ; وبعد كدا هنكتب المسار اللى اخدناة وبكد ان شاء الله نبقى عملنا jdk configuration
طب لو عاوزين نتاكد ان الكلام دا مظبوط وان انا شغال صح
ادخل على ال run وبعد كدا نكتب cmd وبعد كدا نكتب javac اذا طلعلى كلام كتير كدا يبقى انا شغال تمام وكلة بيس
وكدا الحمد لله كلة تمام والجافا اتسطبت عندى واقدر اشتغل عليها بعون الله
احنا كدا خلصنا الحمد لله باقى بس حاجة صغيرة جدا وهيا اننا هناخد كود جاهز لاسهل برنامج فى الدنيا ونعرف ازاى نعملة run ومش مهم نفهم الكود خالص احنا عاوزين بس نعرف ازاى نشغلة بس.
اوى حاجة احنا هنفتح اى text editor زى مثلا ال notepad او ال WordPad وبعد كدا هنكتب فية الكود دة
بس احنا عاوزين نتفق على شيوية حجات كدا قبل ما نبدا
بص يا سيدى الجافا دى case sensitive يعنى حساسة لحالة الحروف يعنى فية كلمات لازم تتكتب capital وفية كلمات لازم اكتبها small زى اية بقى
لحد دلوقتى احنا هنقول ان كلمة String وكلمة System دول لحد دلوقتى هنقول ان هما لازم الحرف الاول يكون كبيير وفية كلمات تانية لازم تبقى كابتل فكل ما تقابلنا كلمة بتبقى كابتل ان شاء الله هنقول عليها
وبعد كدا هنحفظة باسم hw.java وكمان هنختار نوع all files ونحطة على ال desctop وبعد كدا هنفتح ال run وبعد كدا هنفتح ال cmd ونكتب cd desktop وبعد كدا هنكتب javac hw.java بعد الجملة دى هنلاقى ان فية ملف اسمة hw.class ظهر عندنا على ال desktop لما نلاقى الملف دا ظهر يبقى احنا شغالين صح وبعد كدا هنكتب java hw وبكدا ان شاء الله هيكون البرنامج اشتغل وطلع على الشاشة
hellow world,java !!!
ودى صورة البرنامج الاختبار وان شاء الله يطلع كدا كلة تمام
الإبتساماتإخفاء