السلام عليكم ورحمة الله وبركاته
النهاردة ان شاء الله هنتكلم فى درس مهم جدا وسهل جدا جدا هو بيتكلم عن المتغيرات والعمليات اللى بنعملها على المتغيرات دى والدرس دا يعتبر من اهم مبادىء لغة الجافا واى لغة اخرى من لغات البرمجة واسم الدرس ""Variables and operations وهنعرف فى الدرس دا يعنى اية متغير وازاى نعرف متغير وانواع المتغيرات data types وازاى نسمى المتغيرات والحجم الذى يشغلة كل نوع من المتغيرات فى الذاكرة ومدى القيم اللى بحطها فية
هنبدا الاول ونعرف ازاى بنسمى متغير
المتغير دا هو اية ؟ هو عبارة عن مكان فى الزاكرة بيحمل قيمة معينة ولة اسم علشان اتعامل بية من خلال الاسم والقيمة اللى جواة بيكون ليها نوع معين وكل متغير بيحمل مدى معين من القيم ومش هينفع ان انا احط فية قيمة تتجاوز المدى دا الا من خلال طريقة اسمها casting ودى هنشرحها ان شاء الله
[mark=#66FFCC]Names of variables [/mark]
طب نعرف بقى ازاى بيكون اسم المتغير
اسم المتغير ممكن يتكون من حروف a_z او A_Z وكمان ممكن يحتوى على ارقام 1_9 كمان يمكن ان يحتوى على علامات خاصة مثل ال _ وال $ . احنا قلنا ان اسم المتغير يصح ان يحتوى على ارقام ولكن لا يصح ان يبدا بها بمعنى انى لو سميت متغير بالاسم 1_mmm دا يببقى غلط لانة بادىء برقم
طول الاسم عادى خالص يعنى براحتك زى ما انتا عاوز يعنى انا ممكن اكتب اسم المتغير بالشكل دا mahamedabdelhamiedeltabakh بس لو انا عاوز اكتب اسم بالطريقة دى وبنفس الطول كدا هنا بقى نقول ان احنا شغالين بطريقة اسمها camel notation ودى بتقول ان ابتداءا من تانى كلمة عندى فى اسم المتغير يكون الحرف الاول فيها كابتل ودا طبعا مش لازم بس دا المتعارف علية حتى علشان انتا لما تيجى تقرا الكود تانى تفهمة فهيكون اسم المتغير اللى فات دا mahamedAbdElhamiedElabakh وعلى فكرة طريقة ال camel notation دى مش بس فى اسامى المتغيرات لا دى بستخدمها فى لما اجى احط اسم لاى حاجة عندى .
[mark=#FFFF99]دلوقتى بقى نروح لحاجة تانية وهيا انواع المتغيرات [/mark]
Data types
هنقول ان انواع المتغيرات نوعين
• [mark=#FFFFFF]Primitive data types [/mark]والمتغيرات دى بتتخزن فى ال stack وان شاء الله هنفهم معنى كلمة stack بعدين
• [mark=#FFFFCC]Non primitive data types[/mark] والمتغيرات دى بتتخزن فى ال heap وبردة هنفهم معنى ال heap بعدين والنوع دا من المتغيرات بنسمية reference او object data types
احنا كنا قلنا قبل كدا ان كل حاجة فى الجافا عبارة عن object هنا بقى عاوزين نزود على الجملة دى ان فعلا كل حاجة فى الجافا عبارة عن object ماعدا ال primitive data types ولكن بردة ممكن نخليها object من خلال عمل حاجة اسمها rupper class
عاوزين بقى نشرح كل نوع على حدة اولا ال primitive data types
وهيا عدة انواع مثل
[mark=#33CCFF]• Integer
• floating point
• Boolean
• character
وال Non primitive data type دى بقى نوعين اتنين
• String
• array[/mark]
نشرحهم بقى واحدة واحدة
Integar
ودا بينقسم الى انواع هما
• Byte
• short
• int
• long
و ال floating point بينقس الى
• Decimal
• double
طب اة هو الفرق بين ال Decimal and Double
اولا ال double دا بيشيل ارقام كبيرة جدا ولاكنة بيعمل automatic truncate يعنى ممكن يشيل ارقام كبيرة جدا صحيحة يعنى مليارات وكدا يعنى وبردة بيشيل ارقام عشرية بس مش كبيرة اوى لان اول ما بيوصل لحد معين بيعمل truncate
اما ال decimal دا فبيشيل ارقام عشرية كبيرة جدا يعنى مثلا جزء من مليار جزء و هو بردة بيشيل ارقام صحيحة بس مش كبيرة اوى زى اللى ال double بيشيلها
يبقى احنا لو عاوزين نخزن رقم صحيح كبير ولكن فية عشرى صغير فنستخدم ال double اما لو كنا عاوزين نخزن رقم صحيح مش كبير اوى ولكن فية عشر كبير يعنى الدقة مطلوبة فية فنستخدم ال decimal
من الاخر اى حاجة فيها دقة وكدا نستخدم ال decimal زى مثلا حمض ال DNA دا طبعا حاجة دقيقة جدا وبتكون الارقام صغيرة جدا مثلا 0.0009870023 دا طبعا لازم نستخدم فية ال decimal يعنى لو استخدمنا ال double يبقى الرقم دا مش هيتخزن كامل كدا وممكن يحزف منة حاجة.
ندخل على نوع تانى وهو ال character ودا عبارة عن نوع واحد بس اللى هو ال char ودا بيتخزن فية حرف واحد بس يعنى ما بين ال '_' لا زم يكون حرف واحد بس يعنى لو قلت char x='Mohamed'; دا يبقى غلط لكن ينفع انى اقول ان char x='m';
الإبتساماتإخفاء